من هوطائر الاشواق:

(طائر االاشواق )
هادا وانا بقرأ د يوان ابارهيم ناجي ..هالزلمة بمووت في
اشعارو .. قمة الرومانسية اقرولو اشعار وشوفو ما اروعها ..
من يبحث عن لرومانسية فليقرأ لابراهيم ناجي ..
المهم لاقيت الو بيت فيه لقب طائر الشوق
فعجبني وغيرت الشوق الي اشواق ..

- ما هوا شعارك في الحياة

" ابتسم دائما فهناك من هو اشقى منك " و " الصواعق لا تصيب الا القمم "

- ما هي أهدافك في الحياة

هدفي في الحياة اول حاجة هناك عدة اهداف في حياتي :
1- الجانب الروحاني : اخلي علاقتي احسن مع الله واكثر قربا منه حتى يرضى عني .
2-الجانب الصحي : احافظ على صحتي بالرياضة الدائمة وما اتكاسل عن النظافة . فالعقل السليم في الجسم السليم .
3- الجانب الشخصي : تكون علاقاتي احسن مع الناس ... انمي واطور نفسي يوميا .. بقراءة ما لا يقل عن 20 دقيقة
في اي حاجة المهم ازيد رصيدي المعرفي .
4- الجانب الاسري : طبعا بعد انتهاء الجامعة والحصول على وظيفة .. اكيد حانظر الي اني اقوم بتكوين اسرة .
5- الجانب الاجتماعي : اقوي علاقاتي مع الاخرين .. اساعد الاخرين .. اكون نافع للناس .. واخرج من هذه الحياة وفي الي بصمة عليها .. فكم هم الذين ماتوا ولم يذكر انهم ماتوا الي زماننا هذا .
6- الجانب المادي : احاول اني اخطط للمستقبل وادخر جزءا من المال الذي اتقاضاه .. وافتح مشرووع يسندني
بجانب وظيفتي .. وانمي راس المال بتاعي في اي مجال ممكن يكون منيح .

- أمنية لم تتحقق

كنت نفسي اجيب امتياز في توجيهي .. بس ما كان في نصيب ..

- شغلة عملتها واندمت عليها

اني كنت في يوما من الايام غبيا .. وتبعت هوايا فعشقت انثى ..

- موقف طريف صار معك

مرة كنت ماشي انا وصاحبي ومندمج وخليتو يندمج معي في الكلام وانا ماشي لانا ضربت في عمود

( انا لما اندمج بندمج بضمير لدرجة اني ممكن انطبش ههههههه )

- موقف حزين صار معك

فرااااق من لم افكر يوما في فراقه ..
فراااق انسان كنت بتفكروا ملازما
لك كروحك التي في جسدك
وما بتتفرقوا الا اذا طلعت الروح
من الجسد .

- أكتر أكله بتحبها

الكبسة لذيذة امممم فتحتي نفسي الله يفتح نفسك رووحي

- أكتر مشروب بتحبوا

البرتقال والمانجا والفراولة

- أكتر اسم لولد بتحبوا

محمد

- أكتر اسم لبنت

جلنار

- ما تعني لك
الحياة

جميلة و لكن عندما نزيد شيئا عليها و يبقى اسمنا ابد الدهر
محفورا في كل زاوية من زوايا هذه الحياة ..
ما اجملها عندما يعم السلام في كل ثغر مكن ثغورها

الليل

كهف العاشقين .. مأوى المساكين .. مأوى من لا مأوى له ..وصومعة المستغفرين

الاصدقاء

من المستحيلات الثلاثة ايجاد الصديق الذي يكون بمثابة الدعامة
التي لا غنى عنها .. في اوقات يصعب فيها ان تكون وحيدا
بل مستحيلا .. ومن المحال ان يخلو من العيوب والنقائص

لحظة الغروب

لحظة فراق الانامل لتعود للتصافح في صبح جديد .

البحر

اعز الاصدقاء .. واجود الكرماء .. وخير السامعين ..الذي اذا ما طغت عليك الحياة بجحافلها .
من الممكن ان تذهب للبحر وتلقي بهمومك بين اضراسه ..

المنتدي

بستان المعرفة ... به زهور شتى .. لكل منها رائحة خاصة بها .. فاختار ما شئت من عبقها

الاسرة

الوطن الاول .. والعش الاول .. والمربي الاول ..

فلسطين

الحورية المغتصبة .. الجنة التي تنازع عليها غربان الشعوب

- أكتر أغنية بتحب تسمعها ؟

قارئة الفنجان ( عبد الحليم حافظ )

- أكتر أنشودة بتحب تسمعها ؟

ولدتك امك يا ابن ادم باكيا

- ماهوا المنشد المفضل (مش حسأل المطرب المفضل)
محمد العمري

-هل انت راضي عن نفسك؟

اكيد .. بالطبع .. فانا اتقبل نفسي كما انا وان وجدنقص بنحاول نتجنبو او نصلحه .

- ما هي وجهة نظرك للواقع

واقع مرير وسام ..ولكن هذه سنة الحياة .. فالحياة االجميلة
والواقع الجميل ليس الذي يخلو من المشكلات
ولكنه الواقع الذي نثبت له ولجميع الامم اننا اقوى منه وذلك من
خلال المتعة بحل مشكلات هذا الواقع والتأقلم
معها والخضوع تحت حكم سلطانها
-أكتر شخصية تاريخية نالت اعجابك

قصص الحجاج بحبها كتير بصراحة

- أكتر شخصية معاصرة نالت اعجابك

الدكتور ابراهيم الفقي- رائد التنمية البشرية

 ما هي نقاط قوتك من وجهت نظرك ?

انا الحمد لله واثق مني نفسي .. عندي قدرة على التعامل مع الازمات بشكل جيد ..
اجيد التعبير اللغوي ..

- ما هي هوايتك ?

الثقافة العامة - كتابة الشعر - التصميم

مين بتحب أكتر إمك ولا أبوك
ومين له تأثير أكبر عليك ؟؟ وليش

هما الاتنين الهم مقدار معين من الحب
ولكن لا بد ان ترجح كفة احدهما عن الاخر
لذلك فكفت امي هي الراجحة .. ما فيش
سبب اكتر من انو امي متفهمة وبتفهمني صح .

مآهو شعوركـ وأنت على كرسي الإعترآف ؟

الحمد لله مرتاح وفي انتظار الاجابة
نفض الغبار عن جميع اسئلتكم
وما يدور في افقكم من تساؤلات .


.عندما يسكن الليل .. ماهو اول شي يخطر ببالك ..؟

اول شيء يجول خاطري عندما ينام الليل ..
على حسب الحالة النفسية والله .. يعني مرات بفكر
في الموقف اللي حصل معي خلال هادا اليوم ..
بفكر بشخص ماا كانلو موقف معين .. وهكذا ..
فالاكثر تاثيرا هو الاكثر تغريدا فوق ربى خاطري .


.ماهي السعادة بالنسبة الك .؟

السعادة بالنسبة الي تكمن في ستة اموور :
1- ان يرضى الله عني وتكون علاقتي معااه 100%
2- على الجانب الصحي : الحفاظ على الصحة والاعتناء بها .
3- الجانب الشخصي : تطوير وتنمية قدراتي
الازدياد من المعرفة كل يوم ولو شيء بسيط .
4- الجانب الاسري : تحسين العلاقات الاسرية
وتوطيدها والعمل على اللحمة والترابط وانشاء جو
من الحوار .واقوم بالارتباط بفتاة ماا ونكون
اسرة صالحة .
5-الجانب الاجتماعي : اكوون منيح مع الكل .
واكون ع تواصل دائم مع من اعرفهم حتى
تبقى العلاقة متينة .
6- الجانب المالي :: افتح الي مشروع
بما يتناسب مع متطلبات البلد والعمل على
نوفير وادخار بعضا من النقود ..
القرش الابيض بينفع لليوم الاسود .
( ربما تتسائلين يا نسمة وتقولي انا سئلتو عن شو
وهو جاوبني عن شو .. بس انا بأكدلك يا مروة
حاولي تطبقي هادي الاشياء الستة بصدق ..
وحتما حتشعري بصدق انو هيا معنى وسبب
السعادة الاول والرئيسي )

.كل شخص انما يوجد عنده عيوب فماذا تعتقد من وجهة نظرك عيوبك
عيب واحد يكفى ؟
هههههههههه

يمكن طيبتي الزائدة
بتضيعلي حقوق انا احق
فيها من غيري .

.مآ هي أحلى كلمهـ قيلت لكـ ؟

انت اروع انسان في حياتي

.متى تتمنى العودهـ للطفولهـ ؟
بتمنى اعوود للطفولة .. لما
احس بثقل كاهل الحياة على كاهلي
اتمنى عودة الطفولة عندما تشتد
الحياة وتضيق بما رحبت
وقتها بأتمنى لو اني ارجع للطفولة
حتى ما افكر بحاجة واكون مبسوط
دايما حتى لو كل الكون مهموم .

.متى يضطر طائر الاشواق إلى الكذب ؟

بصراحة ما بحب اكذب ..
ولكن اضطر للكذب اذا مريت في موقف محرج ..
مثلا لو صاحبي اتصل في وحاسس فيها قعدة
في البيت وما كانت الظروف عندي مهيئة في البيت
ممكن لو قلي انت في البيت اطله من البيت
واقولو لا مش في البيت شو فيه انا طالع .
هههههه .. والله ما كذبت فعلا انا بكون
خارج البيت .

.اكتر الاوقات الي بتحب تقعد فيها مع نفسك؟

عندما تنفجر الحياة من كثرة الضغوط
وترمي بحمم مشكلاتها عليا ..
فهنا يجب ضروري والزامي
انا اجلس لوحدي حتى افكر بحل
للمشكلة اللي بتمر عليا واحسبها
من جميع النواحي وافتراض الفروض
وافتراض شتى الحلول .

- من هــو الشخص الــذى يغرس فــى قلبك الأمل بغــد مشرق ؟

امـــــي والدكتور ابراهيم الفقي

ورقة بيضاء وقلم .. المطلوب منك كتابة أهداء خاص لاحد اعضاء المنتدى .. ماذا ستكتب ولمن سيوجه ..؟

سأكتب ما يلي :

أنت وحي العبقرية وجلال الابديه
انت لحن الخلد الورحمة في ارض شقيه
انت سرٌّ تعبت فيه العقول البشريه
إنْ تكن أشجتك أشعاري وأناتي الشجيه
فتقبّل طاقة ً بالدم والدمع نديه

العضو الذي سأهديها له هو :

((| جميع الاعضاء |))

طائر الأشواق هل واجه صراع داخلي مع نفسه
متى هذه اللحظة ومن كان قائدها ومن إنتصر في الأخر ؟؟
نعم مريت بفترة صراع دامية قبل ايام عديدة

بين صراعين من نوع( اقدانم احجام مزدوج ) وهذا مصطلح نفسي يعني وجود هدفين لكل منها جانب بجذبك وبحببك فيه وفي نفس الوقت في يوجد سلبيات بتبعدك عنو , والذي انتصر فيها الحمد لله
لا اخدت ذاك ولا ذاك فاصبحت كمن لاحق عصفورين ففقدهما معا

سؤال يمكن صغير بس شوية بدك تتحملني
حسيت بلحظة وحيد ولو مرت فيها شو بتعمل ؟؟

اكيد كتير بحس اني وحيد .. عادي خلص باحاول اشووف شووو اللي معكر مزاجي وشو اللي مسيطر على يومي ومخليه رأسا على عقب .. بحاول احل العقدة بصمت
وافضل ان ابقى وحيدا حتى لا ازعج احد بما ازعجني .. تاني حاجة حتى احل مشاكلي
بنفسي وازيد اعتمادي على فسي .

كم مرة طائر الأشواق ذرفت من عينه دمعة  ( صحيح إحنا رجال بس برضو بنحس ) إذكر موقف واحد لو وجد ؟؟

اكيد .. والبكاء قوة وليس ضعفا
ولكن ان دعتك نفسا للبكاء ..
فاختر مكان لا يراك احد به
وابكي بأعلى صوتك ..
فإذا شهرت بالدموع الساخنة
هطلت من عينيك الي وجنتيك
فاعلم انها الراحة والسعادة .
بعدت عن الموضوع سوري
..
اخر مرت دمعاتي في عيوني ترقرقت تقريبا قبل سنة حينما استشهد قريب لنا .
..
أكيد حبيت من مجمل كلامك عرفت هالشي وعرفت إنك كنت وفي شو رايك بحواء بصراحة ؟؟
( سامحونا ساصبايا ومحدش يزعل مجرد سؤال )

والله شوف انا مش خبير ولكن من تجربتي مع اثنتين منها .. فيه بعض الشغلات المتشابهة
في كل منها .. اول حاجة ..:
اذا حست بالظروف ضاقت على الاخر على الاخر
قد تنسحب من المعركة وتتركك وحيدا لتصارع
الهموم والاحزان من بعدها ..
تاني حاجة : الكذب الخفي .. يا عيني على الكذب
.. مهنة وحرفة واحتراف
عند اغلبهم طبعا الا من رحم ربي .
فيه منهم ذوات لسان صدق وبنحطو عالجرح
بيطيب والله .
مع احترامي لحواء..
بس والله هي انا اللي استشفيتو
من خلال تجربتي واعتذر لكل من ظلمها استنباطي ..

- ما هي أهم ظاهرة تتمنى أن تزول من مجتمعاتنا ???

ظاهرة العنصرية ..
بصراحة ظاهرة مدمرة
وفككت كتير اسر
ومسببة مشاكل كتير كتير .


-لو أحببت إنسان
وهذا الإنسان لم يبادلك الشعور..
أو تلاعب بعواطفك..
أو جرحك..
وانتهى هذا الحب بالفراق الحتمي ... هل من المعقول أن تكره هذا الإنسان ؟ !



في فرق في الصور التلاتة المطروحة اختي ندى .
وتكون على النحو التالي :

1- اذا لم يبادلني نفس الشعور .. عادي ما بزعل منو..
ولا باكرهه .
ولماذا اجبره على عبووور طريق لا يود عبوره .
فالحب بصراحة عشان ينجح يجب ان يكون من الطرفين ..
2- اما اذا تلاعب في عواطفي .. ممكن ما أكرهه ولكن ممكن ابتعد عنه فقط .. واتجنبه .. لانه كل كلامه كذب وخداع وكل ما راح رجع بقناع .. وممكن كمان اتعامل مع هادا الانسان كمثله .. يعني لما اكتشف انو هدفه فقط التلاعب ممكن احول الهزيمة لنصر .. وامشي معاااه واخليه يفكر اني مصدق .. وامشي مع الاهبل لما توصلو باب دارو .. وفي النهاية بابين له أن العواطف والمشاعر والاحساسيس
النبيلة من المستحيل ان تختلط بمشاعر خبيثة
كمشاعرك ايها المخادع ..

3- اما ان جرحني .. هنا ممكن يتحول كاااامل حبي اله الي كره .. ولكن بردوا قضية الكره .. بترتكز على نوع الجرح .. يعني هل جرحني بايدو ولا مش بايدو وبناءا على نوع الجرح ممكن اتصرف بما يناسب الموقف ..
مثلا لو كان متعمد انو يجرحني ويخوني .. وقتها ..
حيتول العسل المصفى من شهد العشق الذي عشقته
به .. الي جاما من الكره والثأر والانتقام ..
اما ان لم يكن متعمدا .. يعني جرحني بسبب ظرووف
مرت بها خارج عن ارداته .. ممكن اسامحه مع الايام .

أو على الأقل تنساه وتعيد برمجة نظام حياتك من غيره؟!!!
هل تستطيع أن تشطب اسمه من حياتك؟؟

يا اختي ندى هذان السؤلان ترتكز الاجابة عليهما
حسب نوع الجرح .. والاجابة تجديها في الاجابة
السابقة .

- معنى صديق بالنسبة لطائر؟

الصديق بالنسبة الي هو
(هو الذي يكون بمثابة الدعامة بقربي عند ضعفي ..
هو الذي يكون بمثابة الموجه عند خطئي  هو الذي يكون بمثابة المواسي عند حزني
هو الذي يكون بمثابة المفرج عند كربي  هو الذي يكون بمثابة البئر عندما تضيق عليا همومي .
هو الذي يكون عندي كلما خطر ببالي دون ان اناديه ..

7- ماذا تعني لك الشياء التالية:

حب ::

هو الاحساس الذي ليس بعده احساس ..

هو الاحساس الممزوج بالتضحية والاخلاص والعذاب و الوفاء .

حنان ::

هو ذاك البحر الذي ليس له انتهاء .. هو الفيض الذي لا انقطاع له

الممزوج بالوجدان والشفقة و الخوف و الرحمة ..

موت ::

الموت هي الحقيقة التي لا شك فيها .. فقد مات اعظم البشر .

. فنحن لسنا افضل منه حتى نبقى ..

حياة ::

جميلة و لكن عندما نزيد شيئا عليها و يبقى اسمنا ابد الدهر

 محفورا في كل زاوية من زوايا هذه الحياة ..
ما اجملها عندما يعم السلام في كل ثغر من ثغورها

مطر ::

المطر شيء جميل جدااا .. فلولاه لمات على الارض كل حي ..

 فما اجمل النوم و انت تسمع  المطر ..

بحر ::

البحر لا امان له فهو غدار .. وفي نفس الوقت يمتاز بالكرم والجود ..

 فلولاه لما عرفنا السباحة ولا العوم ..

بكاء ::

اجمل علاج للنفس عندما تزدحم علينا همومنا .. فان داهمتك

 الهموم ولم تجد احد تشكي له ..
فاغلق على نفسك وابكي باعلى صوتك فعندما تنهمر دموعك

 الساخنة فاعلم انها دموع الشفاء
و بعدها ستشعر بالراحة النفسية حتما لا مجال للشك ..

فراق ::

من اصعب الكلمات .. من اتعس الكلمات .. اكثر الكلمات كآبة .
فما اصعب ان تكون روحا لانسان و فجأة تأتي امواج الدهر
فتفصل روحيكما و تفترقا .. فعلا احساس صعب ..

ليل ::

كهف العاشقين .. مأوى المساكين .. مأوى من لا مأوى له ..

نهار ::

نور على نور .. فلولاه لما استطعت الابصار يا هذا ..

الزهور ::

تحمل معان كثيرة .. فقد تحمل الحب او الغيرة او الهدوء او الرضى ..

الدموع   ::

اصدق حديث .. وابلغ اللغات ..

الصداقة ::

هي الدعامة التي لا غنى عنها .. في اوقات يصعب فيها ان تكون وحيدا بل مستحيلا ..

الخيانة ::

اخسأ صفة .. و هي سم هم و غم ..

الهناء ::

دونه لا يوجد اي طعم ولا مذاق للسعادة ..

القوة ::

مهمة وفعالة.. خاصة عندما تمزجها مع العقل ..

الامانة ::

حفظ وصون ووفاء واخلاص ..

القلب ::

مستودع العواطف .. مستودع الذكريات .. مستودع الالام والجراح ..

الربيع ::

رونق الجمال .. قمة الشباب ..

-شخص خانك ولجأ اليك للمساعدة ،،

هل تساعده ؟؟

لا طبعااا ما بساعده ..
فالعدو لا يمكن ان تأمنه بدينار
فكيف سـتأمنه إن تقدمت
بكل قلب طيب لمساعدته ..
وغدرك مرة تانية ..
فالاولى . عدم مساعدته .

-هل تبكي على موت شخص جرحك ؟؟
لا لا لا ..
فمن غدر بي
ولم تهن عليه دمعاتي
ولم يهن عليه تعذيبي
ولم يهن عليه موتي
في اليوم الف مرة ..
لا يتسحتق والله
بريق الدموع في عينيك
من لم يهتم ببكائي
من لم يكترث لأنيني
ولم تعذبه وحدتي
والله العظيم
لا يتسحق ان نلتفت
للوراء لننظر ما به ..
فما سقط من عيني
لا يمكن ان يرجع مرة اخرى .
والامطار المتساقطة من السحاب
لا يمكن ان ترجع الي السحاب مرة
اخرى .. فما سقط لا يمكن له العودة ابدا .

-هـل وجدت في حياتك من يفهمك
هل يوجد في الحياهـ من يشعر بأحاسيسك
يفهمك في كل أحــــوالك ،، يحس بكل ماتحس فيه يتفهمك ويتفهم كلماتك وأسلوبك على حقيقتها وبصدقها دون ان يفهمها ويأخذها بالظن السيئ ،،،،

اكيد هناااك من يشعر بي ويحس بي ..ولكن مش تمام الفهم .. لا بد من وجود بعض النقائص ..

-ما هى مواصفات شريكة حياتك ؟
اهم شي :
1- ذات اخلاقة عالية ورفيعة
2- اريدها ان تكون بمثابة موسوعة ثقافية لكل سؤال جواب ..
اي حاجة بتخطر على بالي تعطيني معلومات عن هيك تساؤل .
3- وسيمة هههههههه قصدي جميلة ..
4- فهمانة ..لها القدرة على معايشة جميع المواقف و التعامل مع بكل ايجابية ..
5- رومانسية كتيير .
6- رقيقة المشاعر وحنونة مرحة وطيوبة وفرفووشة
7- تكون نظرتها للحياة نظرة ايجابية وتكون متفائلة
برغم النكبات والمصائب .

بكفي بس نلاقي حداا بهيك مواصفات ..
ما بدي اكتر مواصفات عشان ما يكون
خياري درب من دورب المحال .

كل منا تمر به لحظات اكتئاب ينظر الى كل ما يحيطه بملل نابع من اكتئابه .. ماذا تفعل طير لتفادي هذه اللحظات ؟

اول حاجة بأعملها .. باحاول احدد سبب الاكتئاب وبسئل نفسي ليه انا مكتئب .. شو السبب .. طيب كيف ممكن اقضي على هادا الاكتئاب .. وبحاول اتغلب على الاكتئاب بالقضاء على اسبابه ..

طير الاشواق انسان بالاغلب ضحكوك ومرح فهل طائر ابتسامتك تعود حول نظرنه المتفائلة للحياةاو انها كاشارة مصتنعة للتغلب على نظرتك المظلمة للمستقبل)؟؟

اكيد ابتسامتي دليل على نظرتي المتفائلة للحياة .. فبرغم
اعاصير هذه الحياة وصراخ حوادثها .. الا انني
اتمتع بنظرة ايجابية تفائلية ..

الا انه في بعض
الاحيان عندما تكون ضغوط الحياة شديدة واشد ما تكون .. قد يفقد الانسان شيئا من تفائله .. الا انني احاول ان استعيد قوتي واتفائل من جديد ..

انت كطالب تخرج السنة ما هو ماهو بحث التخرج الزي تقوم به شرح بسيط او الاسم بس؟؟؟؟

للاسف بحث التخرج الفصل القادم مش هادا الفصل ..

ما هو شعورك عندما ينقطع الحذاء الخاص بك وانت في مشوار رسمي (يعني مهم ) !!

هههههه سؤال جميل
ممكن يصير ليه لا ..
اما شوو بعمل .. عادي برجع للبيت
البس اي حاجة تانية مناسبة ..

هل للبرنامج فوتو شوب اثر على حياة طائر الاشواق وممن يستعملونه ويشجعون فبلكة للصور وخاصة صور البنات ماتفهمنى غلط بس مجرد تطفل السؤال مش اكتر !!!

اكيد الو اثر كبير .. حيث من خلال هذا البرنامج اصيغ تجاربي التي امر بها واصهرها في برنامج
الفوتنوشوب .. فمثلا ان مررت بموقف سعيد اعبر عن فرحتي بصورة فرحة والعكس صحيح .
اما بالنسبة لقصة الفبركة ..
ما الي على هيك شغلات .
قصة فاشلة .

مآ أصعب قرآر اتخذه طائر الاشواق فى الحب او حياته العاطفية؟

قرار الاختيار بين امرين

احلاهما مر ..

 9- امنيتك في حياتك ؟

انهي جامعة .. واخد درجة الماجستير بعدين اتوظف

..ثم ابني بيتا .. ثم اتزوج .. ولا تنتهي الامنيات عند هذا الحد ..

ولكن كلما  دخل الانسان مرحلة جديدة في عمره .. كلما اصبح لها امنيات خاصة بها ..

فامنيات الانسان لا انتهاء لها الا بموته ..

 - ما هو مجال تفكير طائر الاشواق في حل المشاكل .. ؟

  اول شي بجمع اكبر كم من المعلومات عن المشكلة ..
بعدين .. بحللها .. و بشخصها كويس ..
بعدين بقوم بوضع الخطوات العلاجية .. المناسبة
حسبما تتطلب المشكلة ..

  اني بعيش في بلد تحتوي على جميع
انواع المثبطات .. حيث لا امان
ولا عدل ولا احسان ..

- ما هي افضل هواياتك ؟

  كتابة الشعر القراءة ..  

-شو أحلى هدية وصلتك و من مين كانت؟؟؟؟

  يوم نجاحي في توجيهي ... من عمتي ومن ستي ..

    - ما سبب مضايقة الشاب للبنت في الاسواق ؟

  اكيد متعرضة لهادا الموقف .. ولا كيف خطر على بالك ..
ما تقوليلي صحبيتي بتقولي او انا بشوف ... هههه بعرفها وهي طايرة..
محلل نفسي ههههههههه ..اوك حجاوبك ..
اولا شي ممكن يرجع هادا الشي لطبيعة البنت .. ممكن اتكون متبرجة مثلا
فبهيك شغلة هيا بتعطي الفرصة للشاب انو يعاكسها ..
تاني شي .. ممكن البنت تطلع من شغلات بتدل على انها قابلة للمعاكسة ..
كالالتفات الزائد ..او الضحك العالي .. او عدم غض البصر ..
و اشياء كتير انتو يل بنات عارفينها  ..ههههههههه

- هل تعتقد ان الشاب هو من يبدأ في معاكسة البنت اممممم ؟؟

لا .. ممكن البنت كمان
ليه هيا على راسها ريشة يعني ..
زي ما في عند الشاب دوافع زائدة بتدفعو للمعاكسة
فيه بنات عندهم دوافع زائدة و بتتدفعهم للمعاكسة ..

..جميعنا بشر ..

- ما هو سبب الخلافات بين الشباب؟

الخلاف حسب طبيعة الموقف ..
بس في الاغلب .. ممكن يكون حقد .. او حسد او سوء تفاهم .. 

- هل تدخل اسرتك في امورك الخاصة يضايقك ويحسسك بعدم الرضا عن نفسك ؟؟

لا اصلا ما بخلي حداا يتدخل في اموري الخاصة .. وما بعرفو في اموري الخاصة الا اذا حكيت طبعا .. و انا ما بحب احكي اشياء خاصة الا انسان  ذو ذو ذو ذو ذو ذو ثقة غير معقولة ..

- هل تعتقد ان ملابس البنت تفرض احترامها عند الخروج من البييت ؟؟

بكل تأكيد فالبنت منظرها و شكلها الخارجي الو دور كبير في عكس
شخصية هادي البنت ..مثال الك بوجهو (( هلا فيه بنت طالعة
محزق وملزق .. شو نظرتك الها .. و بنت بجلبابها و مندليها المحترم ..))
لمين بالله بتتريحي نفسيا .. طبعا لام الجلباب .. لانها قد تعكس احتراما بمظهرها الخارجي جميل جداا .. و لما اي حداا يشوف البنت هيك محترمة من لبسها صدقيني ما فيه حداا اصلا بستجري يمسها بكلمة ..

  - مامدى تاثير اصدقائك على طباعك وشخصيتك؟؟

مش كتير .. زماان ممكن يكون كتير ..بس حاليا .. يمكن لانا صرنا بنفس المستوى عشان هيك ما بصير تأثير .. اما بـتأثر لما اسمع لانسان زي ابراهيم الفقي ..

2- أذكر موقف ملأ عيونك بالدموع والحزن ؟؟

عندما استشهد قريب لي

- مانظرتك للبنت ذات الملابس الخارجة على الادب ؟؟

نظرة احتقار طبعا .. خالية من جميع معالم الاحترام ..

- هل تجيد الطبخ؟

هههه ..
اها بعض الاكلات ..
زي البيض مثلا .. الشعرية ..
الباميا .. جميع انواع المقالي ..
ههههه
سؤال حلو

- أتشعر بحاجة ماسة لأن تحاط بالعطف ؟

لا لا اشعر بحاجة ماسة ..
فلدي الحمد لله من تقدير الذات واشباع النقص
ما يكفي .. طبعا امور نفسية .. يعني  العطف متى الانسان بحتاجو لما يكون في سن المراهقة
طفل .. اما لما يكبر بصير .. وحش هههههه بدو يحقق مستقبلو .. بدور على طرق حتى
يبني مستقبلو ويحقق امالو

^_^

- هل انت واثق من نفسك 100% او 80% او 50% ؟

لا 90% الحمد لله

- هل تهتم بمظهركـ،، الخارجي عند الخروج من البيت ؟

طبعا .. اتقولي موظف مش طالب ..
ههههه

    - أتخاف العزلة والظلمه ؟

لا بل افضل في كثير من الاحيان الوحدة و ان اجلس وحيدا ..لكن احيانا افضل ان اجلس

مع ناس معينين ... بعدين الجلوس والنوم في الظلام مفيد للصحة .

ما بمزح عن جد باحكي .. اثبت العلماء ان النوم في الظلام يحسن نشاط جهاز المناعه بصورة كبيرة

وتقوي جهاز المناعة , وتقي الجسم من عدد من الأمراض ..

 - هل تعرضت لغدر الاصدقاء؟

لا طبعا الحمد فانا قبل ما اسمي انسان صديقي
باخضعو لعدة اختبارات .. ولا شو اكون في مأزق
و اسمو صديق والاقيه شارد .. يا سلااام ..
طبعا لا ..

  - ألديك نظريات شخصية حول تربية الأولاد ؟

طبعا .. انا من نظري انو احسن طريقة لتربية الابناء ..
تربية الشقق .. يعني .. انو الابناء بس يمتصو الثقافة التي
يمنحها الاب والام لهم .. لان الوالدين لن يمنحوا ابنائهم الا
ما هو خير لهم .. و حتى ايضا لا يمتصو ثقافات مغايرة
من خارج البيت ومن خارج الوالدين .. فهنا يحدث
الانقلاب العسكري في البيت و المشاكل بين الاب والابناء ..
و لتتيقني ان 70% من شخصية الطفل تتكون خلال ال
7 سنوات الاولى .. وتبقى مغروسة بداخله الي اخر
العمر .. فلماذا لانحرص على تعليم كل ما هو جيد
للابن خلال هذه السنوات ..؟؟

- هل تعتقد ان الانفتاح هو سبب ظهور هذه الفتن مثل الكليبات والفضائيات الهابطة؟

نعم و الاكثر من االانفتاح هو تركنا للدين .. فهذا من اكثر العوامل التي
جعلتنا نضعف .. ونمتص الغزو الثقافي الغربي حتى اصبح هذا الغزو
من عاداتنا التي ما عدنا نستطيع تغيرها .. بل وندافع عن هذه الثقافة الغربية
و نعتبرها ثقافتنا ..

- أتعتقد أن بامكان المرأة أن تحقق ذاتها في الحياة المهنية ؟

ممكن .. ليه لا .. فمن جد وجد ..
ولتستطيعي ان تحققي ذاتك .. مش الك وبس و للشب كمان ..
كن مميزا في كل عمل تقوم به .. ستصبح نجما لامعا فعلا ..

- أتؤمن بالقضاء والقدر ؟

هااا شو .. هادا شي من عقيدتنا
واللي ما بؤمن فيه .. فقد خرج عن نطاق العقيدة وكفر ..

- هل لديك الكثير من ذكريات الطفولة ؟

طبعا .. و مين ما في عندو ..!!!

  - أتحب أن تكون ( بين الجماعة ) ممن لا يُستغنى عنهم اقصد ان تكون دائما برفقة اصدقائك( لطق الحنك) ؟

لا ما بحب بالعكس بشعر بالملل .. لانو ما في شي مفيد بحكووه ..و كل مضيعة للوقت ..و اكثر اوقاتي سعادة عندما نتناقش في شي علمي .. يااااااااه حلو كتير ..

  - ما هو رأيك بالشاب الذي يحب أكثر من مرة .. وهو الذي يخون ؟

جاوبت فوووق في اسئلة فدداء ..
زي ما بتغلبيني بدي اغلبك ..

  - لو خانتك حبيبك ماذا ستفعل ؟

ههه سؤال مضحك فعلا ..
كيف ستخونني وانا لم اجد الكفؤ ..
هذا قرار مصيري .. لذلك
على كل واحد انو يتقن و يعرف مين بختار .. اما لو خانتني بقولها هادا الشي

((كوني كما تبغين لكن لن تكوني لن تكوني  فانا صنعتك من هوايا ومن جنوني من جنوني
و لقد برئت من الهوى ومن الحنون من الجنون))

 أذكر موقفين

جعلاك تطير من الفرح ؟؟

يوم توجيهي ..
-و يوم ما جبت كمبيوتر
-لاني ما كنت اعتقد اني راح اجيب ابداا ففكرتو خيال او حلم

 أتشعر أحياناً بأنك مذنب دون أن تعرف لماذا بالضبط ؟

نعم و لكن قلما ينتابني هذا الشعور ..يمكن كل 100 سنة
مرة هههههههههه

 
- ماذا تفعل إذا شاهدت فار في الغرفة؟

ههههههههههههه الظاهر عندك عش فران ,,
ههههههه
ولاشي بحضر الاسلحة  و هي تتكون من
العكاز هههههه و الصندل اعزكم اللله
ههههه والمكنسة .. وبنصير اشتباك مسلح
انا وهو .. بنصير نلعب مع بعض
ام ال تخبايا
هههههههههههههه

- هل حبيت من قبل؟

جاوبت عليه في اسئلة فداءءء

 
- هل تشعر بالفراغ العاطفى؟

احيانا .. بصراحة يعني بس ما بخلي هالشعور يسيطر على

كياني بقضي عليه بسرعة بأحد برامج الانتي فيروس

ههههههههه

 
- هل تبحثين عن نصفك الاخر؟

دققي في حروفك .. يا كوبي بيست ههه
كشفتك .. اكيد سارقة هالاسئلة من موقع تاني
هههههههههههه

بالنسبة لسؤالك ..
سابحث ولكن لكل وقت اعطيه تفكيرو ..
فمش معقول يعني هلقيت جامعة سنة تالتة(2007)
مثلا واروح افكر باوهام المستقبل ..
Step by Step

- هل انت مزاجي؟

كيف يعني مزاجي قصدك عصبي ..
اذا قصدك عصبي ..
يمكن 50 % عصبي ..
يعني عادي بس عند ضبط انفعالي ..
يعني

- هل انت معقد؟

لا طبعا لا تعقيد ولا تشدد ولا انفلات ..
الوسطية .. يعني لما اكون
قرفان اوعية بسمع اغاني مثلا ..
بحضر افلام .. بروح عالجندي ..
زي هيك .. يعني ..

- هل تشعر بالملل؟

طبعا .. هو فيه حداا شاعر بالمرح في هالبلد ..
هو اصلا فيه اشي غير الملل .. ما في الا هادا
الصنف من المأكولات اليومية الشعبية في بلدنا ..

- ماذا تصف شكلك العام؟

  يا عيني على اسئلتك .. طيب ..
عادي طولي
174
لا اسمر ولا ابيض ..
شعري اسمر .. هاا شو يعني كحلي هههههههه
جسمي مش سمين .. ولا ضعف مفرط زي ما بقولو جسمو قليل ههههه ..
الوزن 60ك
العينين بني ..
شو ضل كمان ..
مش متذكر ههههههههههه

- هل عمرك انضربت ؟ متي اخر مره انضربت فيها؟

انت بتعرف الشباب مشاكلهم كتيرة ههه ؟

لا ما بحب المشاكل انا الحمد لله .. بس ان كان ولا بد وانفرض

 على الواحد موقف يحتاج فيه لرد
طبعا دفاع عن النفس .. برد ..

- ما الصفه الي تطلق عليك غالبا؟

رومانتيك

  - هل انت مغرور وشايف نفسك؟

لا شو ..
من استحوز عليه الغرور فقد السرور ..
متواضع عادي
واثق بنفسي
اقدر ذاتي تماما
وانا راضي بحالي

- هل انت حنون ؟

طبعا .. قمة الحنية .. يعني مرات
من كتر الحنان ..لما بدي اصر على اشي
مثلا وما البيه لاخي او لاختي .. بنصاع في الاخر
تحت وطأة حناني وبلبيه ..

- هل كذبت مره كذبه قويه ومشت عليهم ؟؟

لا ما بحب الكذب والله ..

- تحس انه فى شىء ناقص فى حياتك وما تعرف السبب؟

اها طبعا .. طالما انا عايش في هالبلد
و انا كل شي حاسس انو ناقصني ..
الوقت مش على قد الخاطر ..
على قد الحافك مد رجليك ..

- هل ندمت على قرار اخذته بحياتك ؟

نعم ...........

- هل تحس بأنك مظلوم؟

احيانا ..

- هل انت غيور؟

لا طبعا .. ما بحب الغيرة السلبية
حيث يوجد نوعان من الغيرة
انك اتغار على عرضك وهادا شي حلو ..
اما الغيرة الزائدة انك كل شي بتشوفو بدك زيو
اتصير وهادا شي مش حلو لانو الله يعين
كل واحد على حالو في هالزمن الصعب ..

- على ماذا تغار؟

انك اتغار على عرضك وهادا شي حلو ..

-لو بيدك انك تختار لنفسك اسم شو تختار ....؟؟

ما فكرت قبل هيك ..لانو اسم محمد حلو وعاجبني كتير ..

-ماهي مميزاتك وعيوبك؟

ايجاباتي ( طيب + حنون + رومانتيك + اقدر الغير+
ما بفرض على حداا رايي + بحب انصح + بتقبل النقد البناء +
عنيد على النجاح + مرح + مش معقد + متواضع + مش مغرور .. ))

عيوبي (( اني بنسى انو واحد غلط معي و ممكن اسامحو + طيبتي الزائدة ((

- كام نسبة الصراحة عندك في المية ؟؟

اوووه انا والله صريح كتير ..
يعني بتقدري اتقولي
95 %
اما ال 5% الباقية في اشياء لا يستطيع المرء ان يكون صريحا بها
واللي بقول انو صريح 100 % بقولو في وجهو انت كذااااب

المطرب المفضل ؟؟ و شو اكتر اغنية بتحبها الو ؟؟

طبعا ما في مجال للتغيير ..
بموووت في عبد الحليم .. واكتر اغنية بحبها الو ..كلهم حلوين
بس اكتر وحدة ((( قارئة الفنجان ))

- ما رأيك في الرجل ميسور الحال الذي يتزوج اكثر من مرأة مع انه ليس في امرأته اي مشكلة و لكنه خلص بدو يتزوج .. شو رايك الشخصي ؟؟

والله انا بالنسبة الي من وجهة نظري
انه لا حرج ..لو كان قادر انو يعدل ..
و كلهم سواسية يكونوا ..
وما يقصر في حق اي وحدة ..
انا بشجعوا يكووون الحج متولي
هههههههههههههههه

ما رايك في البنت المتبرجة في الطريق .. و شو رايك فيها؟؟

احتقرها .. و لا انظر اليها حتى اهينها واوصللها رسالة انك
مش مرضي عنك .. ومش حلو منظرك هيك ..
و هذه مرأة فاقدة لروح الانوثة التي يجب ان تتصف بها كل فتاه واعتبرها ايضا مرأة مترجلة ..لانو والله فعلا جمال الفتاة بجلبابها و منديلها ..

شو رايك في الحب ..؟؟ وهل عمرك حبيت ؟؟

والله شو في الحب ..جميل جدااا ..
الحب .. احساس ليس كباقي الاحاسيس ..
الحب .. صدق .. اخلاص .. وفاء .. تضحية ..ايثار ..

اما بالنسبة اني هل حبيت قبل هيك ..
والله شوفي .. بصراحة ايام الجاهلية ..
يعني ايام المراهقة .. الا الواحد تكون نزعاتو
كالبركان .. وبكون الانسان بتميز بحب الفضول والتقرب من الجنس الاخر ..
اها حبيت .. وانا لا اسميه حب .. لانو بس الواحد بكون
بس بدو يحب .. بدو يجرب اشي اسمو حب .. بدافع من الفضول .. فقط .

ما هي اكثر 5 صفات ايجابية التي تشتهر بها غالبية البنات حسب ما بتشوف ؟؟

مش الاغلبية .. في هادا الزمن بتقدري اتقولي الا من رحم ربي ..
اما الصفات اللي بتتصف فيها البنات اللي بيجوا تحت شعار الا من رحم ربي ..
فهي كالتالي  :(( خجولة - مؤدبة - راكزة  - ناضجة عقلية وروحيا – ذات نظرة ايجابية للحياة 

-ماهي الاعمال المنزليه التي تقوم بها ؟

بكنس مرات ..
بخبز مرات ..
بجلي مرات ..

64-هواياتك المفضله؟

كتابة الشعر والتصميم
على الفوتوشوب ..القراءة بشكل عام . .

65-هواياتك الغير مفضله ؟

ههه يا سلام ما في عندي هوايات مش مفضلة ..

67-ايه تحب اكثر جمعة الاهل ولا الاصدقاء؟

الاهل . طبعا ..

68-هل تحب السوق والزحمه ولا الهدوء؟

لا .. ما بحب الزحمة ..
انا بموووت الهدووء لانو فعلا قمة قمة الرومانسية ..
وخصوصا لما يكون النسيم بضرب فيك وانت امدد على شط البحر
بعد ال 12 في الليل .. و بطل للسما .. وهالنجوم الحلوة ..
و صوت الموج .. يا سلااااام فعلا شعور رائع ..

69-. من يضحكك وأنت تبكي؟

ما فيه شي بضحكني عند حزني ..
لانني عندما احزن فلن تخرج مني الابتسامة
الا اذا اخرجت جميع الطاقة الكامنة
للحزن في داخلي..

70- من...يفضي لك بأسراره؟

كتير من اصحابي بتريحو وهما بحكولي ..
كتير .. يمكن لو اعمل من اسرارهم
لو بدي اعمل بعمل مقدمة ابن خلدون 2 ههههه

.71-من... ملكك بكلمة؟

ما في حداا بملكني بكلمة ..
لانو زي ما قولتلك ..
هادي بتكون بمثابة طب لزق ..
لازم يكون فيه مواقف عديدة مسبقة حتى
يقدر يملكني بكلمتو ..

. من...أبكاك؟

الفراق ..

-لمن... تضحك وأنت تبكي؟

لم امر بالموقف هذا من قبل ..

-.لمن... تهمس أحبك؟

للي بعد ما اختبرها وتعجبني بكل صدق
راح اقولها و بكل قلب مخلص وصادق
و بدون تردد .. و بكل ثقة ..
سأحكيها

77-لمن...تصرخ أحبك؟

لانسان ما كنت اتوقع انو اشوفو وشوفتو مرة
وحاسسها هالمرة زي الخيال ..

. - لمن تهدي بيت الشعر المفضل لديك؟

وما الحياة سوى طيف يمر بنا
وصدق ميعاده نوع من الكذب
كل سيمضي ويبقى ذكره حسنا
ان كان ممن بتقوى اللَه ذا داب

..  للجميع اهديه ..

-. تقول شكرا؟

لكل انسان بقدرني وقدر يختلقلي

 الاعذار لو وعدتو وما وفيت بالصدفة ..

-. تقول عفوا؟ ولماذا؟

عفواا .. قبل ان احكم على شيء
و اصدر حكما متسرعا ..
حتى لا اقع في خطأ من فعل انا فاهمو
غلط .. بل بطلب التوضيح حتى
لا يكون هنااك لبس ...

-. تقول: "لا تكتب"؟

لكل .. انسان لا يستطيع
الا كتابة الاكاذيب و الخرفات ..

-. تقول: "اقرأ!"؟

لكل من يحب القراءة حتى يكون
اكثر ثقافة و لكل من لا يحب ان يقرا
بقولو اقرا و راجع حساباتك
فالقراءة لك لا عليك ..

-. تقول: "ظلمت قلمك"؟

لكل انسان يحول الحقيقة الي اكاذيب
و سراب

-. تقول: "لماذا؟" ...

لكل انسان لا يعرف الانسانية
و لكل من يقتل انسان بلا ذنب ؟؟

-. ولماذا تقول له ذلك؟

حتي يفكر و يراجع حالو
ممكن يعود لرشدو ويحس انو غلطان ..

ما هي اكثر 5 صفات سلبية التي تشتهر بها غالبية البنات حسب ما بتشوف ؟؟

)) حب الظهور عند ملاقاة الجنس الاخر - الضحك بدون سبب - المكياج في وسط الشارع -الحديث بصوت عال عند مرور الشباب - الالتفات كثيرا الي الوراء كأنو واحد بدو يقتلها او حاسة انو في حداا معجب فيها وهيا بتضلها اتطل وتتلفت وهيا اصلا مش موجود على خريطة العالم ....على بال مين يللي بترقص في العتمة ((

ما هي اكثر 5 صفات ايجابية التي يشتهر بها غالبية الشباب حسب ما بتشوف ؟؟

الا من رحم ربي ولكن نسبة من رحم ربي هنا اكتر من عند البنات هههههه
)) الذوق - الاخلاق العالية - القدرة على ابداء الراي السليم - حب المساعدة -
الطيبة ((

ما هي اكثر 5 صفات سلبية التي يشتهر بها غالبية الشباب حسب ما بتشوف ؟؟

(( - حب الظهور عند الالتقاء بالجنس الاخر -عدم تحمل المسؤلية في بعض الاحيان - الحقد - الحسد ))

و شو رايك بالشاب اللي بحب اكتر من وحدة للعب ..؟ وشو رايك فيه .. وشو بتنصحه ..؟

انسان مغدور فيه سابقا و لانو مش قادر ينتقم  من البنت  اللي غدرتو سابقا فبحاول ينتقم من بني جنسها
ليرد لنفسه كرامته حسبما يعتقد ..
رايي فيه .. انو خلص اللي فات مات .. اقلب صفحة بيضة جديدة ..
لانو مش كل البنات زي بعض
يعني يمكن هادي اللي حبيتها عشان تلعب .. يمكن فعلا بتكون صادقة بحبها الك ..
وانت بالتالي راح تنقل الها عقدة العدوان ..

فانا ما بحب الشباب اللي زي هيك .. لانو فعلا انسان تااافه ..
يعاقب الجميع من اجل فرد ليس للجميع علاقة به ..
بقولو يعني انو مش كل الناس واحد .. واذا البنت هديك غدرت فيك ..
ممكن   هادي بتحبك وممكن تظلمها بغدرك فيها ..
فممكن تكون هادي الفتاة بتموووت فيك بكل صدق و حب خالص فيك ..
فانا بنصحو انو ما يقيس من خلال انسان واحد و يحكمو على الجميع
بنفس هادا الفعل ويعمم .. لانو قاعد الكل صعبة ..

كام جزء من القران حافظ ؟؟ و كم اغنية حافظ ؟؟؟

والله حاليا 4   اجزاء
اما الاغاني بسمع بس ما بدقق بالحفظ ..
يعني عادي .. مع الزهق بسمع بس ..

كيف روحانياتك و علاقة بالله .. بتصلي دايما ..؟؟؟ بتصلي الصبح دايما ؟؟

والله تمام الحمد لله وبصلي دايما و الصبح كمان بس مش دايما بصراحة ..
و ان شالله بزيدني رشدااا
..
 
- عرفنا على شخصيتك بكلمات موجزة ؟
انسان طموح .. احلام لازم تحقق ..طيوب ..
طيب .. رومانتيك ون